مما راق لي..

رجع يسأل عن أخباري بعد غيبة سنه وشهرين..

رجع شايل وجع صدره وقال أرجوك واسيني

رجع كنه يحسبني سعيد بدنيتي أو زين.

وإهو مـا يدري الدمعة تسيــل ولاتسليني..

دمع.هالوجه..أو كنه جمع في غيبته جرحين..

وأنا عيني بدت تدمع على حزنه وتبكيني..

يقول الدنيا خانتني وبعدك يا الغلا سكين

ولا أحدن يا الغلا غيرك يقدرني ويراعيني..

حبيبي ضقت بغيابك حبيبي حيل أنا مسكين..

وأنا جيتك بهاليله وتكفـــــــــى لا تخليني..

و أنا.. لامن نطق (تكفى) عطيته لوطلب (هالعين)..

وأجود بكل ما يملك خفوقي وتملك إيديني..

وقلت: ابشر ولايهمك تدلل وش تبي يا زين..

تراني فدوه عيونك (لو إنك جيت تشقيني)..

حبيبي لو تبي القمره عطيتك فوقها ثنتين..

بعد لو تطلب النجمة أبنطق جيتك إضويني..

بعد هذا ضحك ..بعثر همومه سلهم الرمشين..

وقـــــال الله يا الطيب وأنا ظــــنيت ناســــيني..

صراحة.. حيل تحرجني يا طيب يا أطيب الغاليين..

ولا ادري كيف بوفيلك حـــبيبي وأنت تعطيني..

بعد هذا تسامرنا وتواعدنا بعد يومين. .

ووصيته على قلبي وهو مثلي يوصيني..

تواعدنا على الجمعة ((ولا جاني ))إلى الاثنين.

ومر أسبوع والثاني وشوقي يشتعل فيني..

تصـــــــــــــــــــــــــــــــــدق عاد يا السامع !!

ولا جاني الين الحين. وقبل تسأل عن أسبابه بجاوب ((وإنت واسيني))..

لأنه مــ ــ ــ ـات في حادث وأنا مت بغيابه لين [[عرفت إني كذا ببــقى ولا أحــد يقوى يحــييني]]..

الواحد بهالدنيا مايدري متى يومه وهل راح يتواجه مع أحبابهوإذا فارق الدنيا هل بيكون زعلان منهم...ولا مشتاق لشوفتهم..!! الله يديم أحبابنا لنا ..

 

XX

قلت لك يا قلب لا تآمن غريب

ليش تحرقني معاك وتحترق

بهالزمن ينساك حتى أقرب قريب

الوفا في هالزمن حبر و ورق

أنا مو أول ولا آخر حبيب

في النهاية مع حبيبه يفترق

من متى صابت معي حتى تخيب

البخت وياي عمره ما صدق

من يداوي جرحي اللي ما يطيب

من يرد اللي من أيامي انسرق

البحر عالي وفي صمته رهيب

وإلا قلبك ما يخاف من الغرق

الغريب إني و أنا بجنبك غريب

لو نحاول نتفق ما نتفق

ايه يا قلبي معه مالك نصيب

من فراقه لا تشب وتحترق

كيف أصير الجرح وأصير الطبيب

لو سكتّ الجرح فعيوني نطق

ما تغيب الشمس لو عنّي تغيب

لو أموت الفين مرة وأختنق

XX

 

قصة عذابي في خاطري كاميها

تبكي الحجر والطير لو نحكيها لو نتكلم

تطفي انوار الكون لين يظالم

لاشمس تشرق لانهار يعلم

ولاعمار ربنا في السماء خافيها

وتبدا الجبال لحالتي تتالم

مما راق ليـ

xx

حسافه يـوم حبيتـك ..

وخليتـك أعـز إنسـان حسافه بقلبي ضميتك ..

وتجازي الحب بالنكـران قلت مجروح داويتك ..

وشربتك وأنـا العطشـان وسط هالروح داريتك ..

وضميتك مـع الشريـان هديتك أغلا أشواقي ..

وهديتني غـدر وأحـزان طعنتيني ألف خنجـر ..

وكانـت لدغتـك ثعبـان حسافه ضاع تقديري ..

معـاك مضيـع العنـوان أحبك كلمه مابيها ..

ولا أبـي شوقـك الولهـان خسرتيني وأنا العاشق ..

وكل بالهـوى خسـران انا الجاني وأنا المجني ..

وأنا اللي بعشرتك غلطان نسيت إسمك على لساني ..

روح او بعد ما اريدك جنت غلطان

مما راق لي

xx

خايفة والخوف فظيع

خايفة حلمي يضيع

\:،.،:/

خايفة حبيبي يبيع

ينسى كل الحنان

\:،.،:/

خايفة والخوف قاتلني

خايفة لما تقابلني

\:،.،:/

تقلي با شاغلني

إنسي كل إلي كان

\:،.،:/

خايفة أختار حبيب

وأقول هوه النصيب

\:،.،:/

خايفة أملي يخيب

ويخيب حبي كمان

xx

لاتحسبين اني على البعد ندمان

بعدك ترى ماهز شعره براسي

توي دريت اني من سنين غلطان

متحملك وانتي سبب كل ياسي

..

خاين ولكن عايش بصورة انسان

اعطف عليك ودايم ترد قاسي

انا اسير الحب مخلص وولهان

تشهد لي الايام والا انت ناسي

..

ادري با انك راحل ومنت شفقان

بس السنين تذوقك مر كاسي

ارحل بلا رجعه على وين ماكان

وانا بعد ببعد كفاني ماسي

..

ياخاينه منت عليه بسلطان

اعارضك لوينهدم كل باسي

لاتحسبين اني على البعد ندمان

لا انتي ولا غيرك يهزون راسي

xx

صحيح الزمن ما انصفني كثير

ولا قصر معاي بأوجاعه

**

بس علمني أكون بكل شي كبيرة

اشتري شخص ما أنوي وداعه

**

أعطي بصدق وما انتظر عطا الغير

أحب ويكفي إني أحب وهادي قناعه

**

مانفعني منطقي بس بالاول والأخير

هذا قلبي ياناس وهادي طباعه

بعض مما راق لي